Nesil.com.tm

Ykdysady özgertmeler

Ahmedow — Sat, 11 Apr 2026 04:31:06 +0300

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda durmuşa geçirilýän durmuş-ykdysady özgertmeler, ilkinji nobatda, ilatyň ýaşaýyş-durmuş derejesini has-da gowulandyrmaga, ýurdumyzy ylmyň, tehnologiýanyň ösen ýurtlarynyň hataryna goşmaga gönükdirilendir. Türkmenistan döwletimizde iň täze tehnologiýalary peýdalanmak, innowasion önümçiligi ýola goýmak hem-de halkara hyzmatdaşlygy çuňlaşdyrmaga niýetlenilen ykdysady özgertmeler üstünlikli durmuşa geçirilýär. Bu ugurda alnyp barylýan işlerde ösen ýurtlaryň baý tejribelerinden ugur alynýar. Bu babatda Gahryman Arkadagymyz: «Ykdysady özgertmeleriň netijesinde ýurdumyzda ösen önümçilik düzümi, köpugurly ulag-kommunikasiýa ulgamy bolan, esasy zat bolsa, adam maýasy bilen ýokary derejede üpjün edilen milli ykdysadyýetiň döredilendigini häzir biz ynamly aýdyp bileris» diýip nygtaýar. Garaşsyz döwletimizde milli ykdysadyýetimize daýanýan döwlet syýasatymyzda ileri tutulýan ugurlaryň biri hökmünde sanly ykdysadyýet ulgamy işjeň hereket edýär. Döwlet syýasatynyň esasy maksady ilatymyzyň ýaşaýyş-durmuş derejesini has-da ýokarlandyrmak bilen bir hatarda, halkymyzyň sanly ulgamyň mümkinçiliklerinden giňden peýdalanmaklaryny elýeterli etmekden ybarat. Bu wezipäni durmuşa geçirmegiň ilkinji şerti bolsa — kämil bilimli şahsyýetleri kemala getirmekdir. Şonuň üçin-de ýurdumyzda kämil pikirli, sagdyn bedenli, ruhubelent ýaş nesilleri ýetişdirmek, ýaşlaryň giň dünýägaraýyşly bolmaklaryny gazanmak üçin döwrebap ylym-bilim ulgamyny döretmek ýaly meseleler esasy ugurlaryň birine öwrüldi. Şol aladalaryň baş maksady hem türkmen ýaşlaryna dünýäniň iň ösen talaplaryna laýyk gelýän bilim ulgamyny elýeterli etmekdir. Ýurdumyzda sanly ulgamyň şeýle mümkinçiliklerinden peýdalanmagyň ýolunda durmuşa geçirilen işleriň iň wajyplarynyň biri hökmünde bilim portalyny görkezmek bolar.

Bagtyýar KÖMEKOW
Halkara ynsanperwer ylymlary we ösüş uniwersitetiniň talyby

Arkadag şäheri bagtyň şäheri

Ahmedow — Fri, 10 Apr 2026 04:35:31 +0300

Berkarar döwletiň täze eýýamynyň Galkynyşy döwründe Hormatly Prezidentimiz Arkadagly Gahryman Serdarymyzyň taýsyz tagallalary nestijesinde Arkadag şäherinde iri çäreleridir forumlary geçirmek üçin ähli şertler döredildi. Gadymy döwürlerde Beýik Ýüpek ýolunyň möhüm merkezinde ýerleşen eziz Watanymyz häzirki wagtda meşhur ýoly täze taryhy ýagdaýlarda gaýtadan dikeltmek işine işjeň gatnaşýar. Şonuň bilen birlikde sebitde ilkinji akylly şäher bolan Arkadag işewürlik we syýahatçylyk merkezine öwrülip, daşary ýurtly myhmanlaryň has-da köpüsini özüne çekýär. Ata Watanymyzyň Arkadag şäheri bu gün döretmegiň we özgertmegiň ata-baba däplerine eýerilip gurulýan, ýaşaýjylar üçin hem, oňa gelýän myhmanlar üçin hem ähli amatlyklary bolan şäher hökmünde ösüşiň täze belentliklerine tarap ynamly öňe barýar. Türkmen halkynyň Milli Lideri Gahryman Arkadagymyzyň kämil binagärlik sungaty bilen merjen şäherimiz şähergurluşyk-binagärlik maksatnamasynyň üstünlikli durmuşa geçirilmegi netijesinde gurlan akylly binalardyr desgalar munuň aýdyň subutnamasydyr.

Söýenç AHMEDOW
Aba Annaýew adyndaky Halkara atçylyk akademiýasynyň mugallymy

Ykdysadyýetiň pudaklarynda sanly özgertmeler

Ahmedow — Thu, 09 Apr 2026 21:01:22 +0300

Berkarar döwletiň täze eýýamynyň Galkynyşy döwründe ýurdumyzyň ykdysadyýetiniň ösüşiniň durnukly depginini üpjün etmek we bäsdeşlige ukyplylygyny güýçlendirmek maksady bilen sanly tehnologiýalary hem-de öňdebaryjy halkara tejribelerini ornaşdyrmak esasy ugurlaryň birine öwrüldi.Ýurdumyzda uzak möhletleýin ykdysady ösüşi we ýokary öndürijiligi gazanmaga ýardam berýän netijeli ulgamlaryň ýola goýulmagyny üpjün eder. Sanly ulgam durnukly ösüşi üpjün etmäge, ýurdumyzyň jemi içerki önüminiň düzüminde maglumatvaragatnaşyk tehnologiýalarynyň paýynyň artdyrylmagyna, döwlet dolandyrylyşynyň netijeliliginiň ýokarlandyrylmagyna, esasy önümçilik-ykdysady işleriniň ähli görnüşleriniň awtomatlaşdyrylmagyna we merkezleşdirilen tertipde dolandyrylmagyna, ýokary tehnologiýaly pudaklarda täze döwrebap iş orunlarynyň döredilmegine ýardam eder. Şeýle hem sanly aragatnaşyk babatda şäherleriň we obalaryň arasyndaky tapawudyň aradan aýrylmagyna we halkymyzyň ýaşaýyş-durmuş şertleriniň has-da özgerdilmegine giň mümkinçilikler açylar. Sanly ykdysadyýetiň ösdürilmegi maglumat kommunikasiýa amatlyklaryny, maglumatlaşdyrmak amatlyklaryny göz öňünde tutýar. Şunlukda, ýurdumyzyň ähli pudaklarynda we sebitlerinde işlenip taýýarlanýan maglumat ulgamlary umumy döwlet awtomatlaşdyrylan maglumat ulgamyna birikdiriler. Ykdysadyýetiň pudaklarynda sanly özgertmeler ýurdumyzyň ulag logistika ulgamynyň awtomatlaşdyrylmagyny, senagat, ulag, oba hojalygy, elektron söwds ulgamlarynda, döwlet dolandyryş we döwlet hyzmatlary, maliýe we bank, bilim, saglygy goraýyş we ýaşaýyş jaý jemagat hyzmatlary ulgamlarynda sanly tehnologiýalaryň ornaşdyrylmagyny göz öňünde tutýar. Maglumataragatnaşyk ulgamlarynyň amatlyklaryny ilat üçin elýeterli etmek, aragatnaşyk we telekommunikasiýa pudagyny ösdürmek arkaly ilatyň ýokary tizlikli internet ulgamyndan peýdalanmagy ýola goýulýar.

Bagtyýar KÖMEKOW
Halkara ynsanperwer ylymlary we ösüş uniwersitetiniň talyby

Bedew ösüşleriň we rowaçlygyň nyşany

Ahmedow — Thu, 09 Apr 2026 21:00:25 +0300

Türkmen halkynyň geçmişdäki şöhratly, gahrymançylykly ýoly jandan eý görýän bedewi, onuň wepalylygy bilen aýrylmaz baglanyşyklydyr. Türkmen ýigidiniň gaýraty, batyrlygy, duýgurlygy, wepalylygy bedewlerimize-de mahsus. Şöhratly taryhymyzdan belli bolşy ýaly, bedew atlarymyz agyr söweşlerde gowga-gohlardan heder etmän, duşman üstüne okdurylypdyr, her bir kyn pursatda hem ynsan kimin duýup, eýesine ýaran bolupdyrlar. Ine, şu aýratynlyklary üçinem türkmen öz bedewini özüne dost, syrdaş saýypdyr. Gözbaşyny örän gadymy döwürlerden alyp gaýdýan şol jebislik, mähribanlyk, ysnyşyk hiç wagt gowşaman, gaýtam has berkäp, biziň häzirki günlerimize gelip ýetipdir. Dünýäniň atşynas alymlarynyň aýtmaklaryna görä, ahalteke bedewleri dünýäniň ähli naýbaşy atlarynyň asly bolmagyndan başga-da, Allatagala ony aýratyn söýgi, üýtgeşik bir gudrat bilen ýaradypdyr. Biziň janymyz-tenimiz bilen söýýänligimiz, sarpasyny belent tutýanlygymyz hem, megerem, şonuň üçin bolsa gerek. Atababalarymyzyň zähmeti hem zehini bilen kemala gelen atçylyk sungatyna halkyň kämil dünýägaraýşy, çuň pelsepesi, geçmişi siňendir. Aýlawlary baglan, ýedi yklyma at-owazasy ýaýylan türkmen bedewleriniň waspy, şöhraty bu gün dillerde dessan. Döwletimiziň ähli welaýatlarynda atçylyk sport toplumlarynyň açylmagy, ştab-kwartirasy Aşgabat şäherinde ýerleşýän Halkara ahalteke atçylyk assosiasiýasynyň hereket etmegi behişdi bedewlerimiziň dünýä derejesinde uly şan-şöhrata eýe bolandygynyň nyşanydyr. Ýurdumyzyň ýokary okuw mekdeplerinde atçylygyň we atly sportuň dürli ugurlary boýunça bu ugurdan ýaş hünärmenleri halkara derejede taýýarlamak, ahalteke bedewleriniň özboluşly aýratynlyklaryny, taryhyny, seýisçilik we tohumçylyk seçgi işlerini ylmy taýdan düýpli öwrenmek maksady bilen, häzirki wagtda Arkadag şäherinde Halkara atçylyk akademiýasynyň hem-de Atçlyk ylmy-önümçilik merkezi guruldt. Şeýle hem türkmen we daşary ýurtly atşynaslaryň ahalteke atlaryny ösdürip ýetişdirmek boýunça çekýän asylly zähmetine mynasyp baha berlip, olara «Türkmenistanyň at gazanan atşynasy», «Türkmenistanyň ussat halypa çapyksuwary» we «Türkmenistanyň halk atşynasy» diýen hormatly atlar dakylýar. Olimpiýa stadionyndaky atyň heýkeliniň Ginnesiň bütindünýä rekordlar kitabyna girizilmegi bolsa buýsançly başymyzy göge ýetirdi.

Dawut AZADOW
Türkmenistanyň Telekommunikasiýalar we informatika institutynyň talyby

At ýigidiň ganatydyr

Ahmedow — Wed, 08 Apr 2026 20:01:46 +0300

Berkarar döwletiň täze eýýamynyň Galkynyşy döwründe milli gymmatlygymyz bolan ahalteke atlarymyzyň sarpasy belent tutulyp, atlara goýulýan hormat has-da artdy, olara berilýän üns güýçlendirildi. Gahryman Arkadagymyzyň, Arkadagly Gahryman Serdarymyzyň ýolbaşçylygynda özüniň milli medeni mirasy bilen tutuş dünýäniň ösüşine mynasyp goşandyny goşan türkmen halkynyň baý medeniýetini, sungatyny ylmy esasda öwrenmeklige giň mümkinçilikler döredildi. Her bir halkyň ýüzi, onuň dünýä medeniýetine goşan goşandy, maddy we ruhy gymmatlyklary bilen kesgitlenýär. Türkmen halky hem asyrlaryň dowamynda umumadamzat bähbitli, naýbaşy gymmatlyklary döredip bilen halk. Şol maddy gymmatlyklaryň biri-de türkmeniň uçar ganaty, toýly günde göwün hoşy, ýowly günde baş ýoldaşy, halk zehininiň mähek daşy, gözelligiň göwher gaşy bolan ahalteke behişdi bedewlerimizdir. Milli Liderimiz Gurbanguly Berdimuhamedowyň başlangyçlaryny üstünlikli dowam etdirýän Arkadagly Gahryman Serdarymyzyň ýolbaşçylygyndabiziň ahalteke behişdi bedewlerimiz barada, olaryň dünýä ýüzündäki şan-şöhratyny has-da belende galdyrmak barada uly aladalar edýär. Milli Liderimiz öz atşynas pederleriniň ata-baba ýoluny dowam etdirip, atçylyk sport toplumlaryna ýygy-ýygydan at münmäge gelip, behişdi bedewlerimiz bilen ýakyn didarlaşyp durýar. Ol özüniň il-ýurt bähbitli, döwlet ähmiýetli işleri bilen meşgullanýan gyzyldan gymmatly wagtynyň arasyndan wagt tapyp, behişdi bedewlerimiz barada kitaplary hem ýazýar. Milli Liderimiziň ahalteke bedewlerimize bagyşlap ýazan “Ahalteke bedewi – biziň buýsanjymyz we şöhratymyz” atly ylmy kitabynyň halkymyza ýetirilmegi türkmen halkymyza, esasan, atçylyk bilen gyzyklanýan ahalteke bedewlerimiziň janköýerlerine uly sowgat boldy. Milli Liderimiz Gurbanguly Berdimuhamedowyň “Ahalteke bedewi – biziň buýsanjymyz we şöhratymyz” atly fundamental işi atçylygyň taryhy bilen bagly gymmatly maglumatlary özünde jemleýär. Ähmiýeti boýunça ýokary derejeli bu eser ahalteke atlarynyň kemala gelen gadymy topragynyň Türkmenistandygyny anyk maglumatlar esasynda subut edip, ahalteke atlarynyň iň gadymy tohum atdygyny tassyklaýar.

Bagtyýar KÖMEKOW
Halkara ynsanperwer ylymlary we ösüş uniwersitetiniň talyby

Nesillere paýhas hem terbiýe hazynasy

Ahmedow — Wed, 08 Apr 2026 20:01:00 +0300

Türkmen halkynyň Milli Lideri Gahryman Arkadagymyzyň ýazan kitaplary, hem-de uly tagallalary bilen döredilen eserleri gymmatly hazyna bolup çykyş edýär. Gahryman Arkadagymyzyň hemaýaty bilen çap edilen gymmatly neşirleriň biri-de “Paýhas çeşmesi” kitabydyr. Bu kitapda saýlanyp alnan, häzirki döwürde-de öz ähmiýetini ýitirmän gelýän halk döredijilik eserleriniň liriki žanryna degişli bolan nakyllar öz mynasyp ornuny tapýar. “Paýhas çeşmesi” kitabynda türkmen halk döredijiliginiň merjen däneleri bolan nakyllar toparlara bölünip ýerleşdirilipdir. Kitabyň “Kalba – ynam, köňle – ylham” diýen bölüminde Gahryman Arkadagymyzyň okyjylara ýüzlenmesinde: – Milli miras ynsan kämilliginiň gözbaşydyr, nepisligiň hem-de gözelligiň altyn täjidir – diýip belleýär. Kitapda “Pederlerimiziň pähim-paýhasyndan syzylyp şu günlerimize gelip ýeten parasatly sözleri halkymyzyň durmuşyny, ykbalyny sözüniň hem-de sazynyň şirinlik gymmatyny özünde jemleýän hazynamyzdyr, gözelligiň göwher gaşydyr” – diýen sözler hem bar. “Paýhas çeşmesi” atly kitap nakyllar ýygyndysy bolup, onda adamyň durmuşyndaky esasy bäş sany ugra üns berilipdir, olar: watançylyk we gahrymançylyk, edep-terbiýe we ahlak, ylym-bilim we hünär, tebigat we zähmet hem-de durmuş pelsepesi. “Paýhas çeşmesi” kitabynda terbiýäniň ähli ugurlary barada ata-babalarymyzyň pähim-paýhasy siňen dürdäne sözleri bolan nakyllar hem-de atalar sözleri berlipdir. “Paýhas çeşmesi” kitaby halkymyz tarapyndan, hem-de ýurdumyzyň ähli bilim-terbiýeçilik edaralarynda çuňňur öwrenilýär. Ol adamlaryň, hususan-da, biz ýaşlaryň ýan kitabymyza öwrüldi.Türkmen halkynyň Milli Lideriniň türkmen halkynyň baý medeni mirasyna bagyşlanan, türkmen nakyllaryndan ybarat bolan düýpli bu işi birnäçe dillere terjime edildi. Çünki, “Paýhas çeşmesi” kitaby nesillere paýhas hem terbiýe hazynasy, gymmatly gory hökmünde hyzmat edýär.

Musa ŞAMYRADOW
Türkmenistanyň Telekommunikasiýalar we informatika institutynyň talyby

Milli ykdysadyýetiň ösüşi

Ahmedow — Tue, 07 Apr 2026 16:58:09 +0300

Milli ykdysadyýetde bazar gatnaşyklarynyň ýaýbaňlandyrmagy hususy pudagyň giň gerimde ösmegine getirdi. Öndürilýän jemi içerki önümiň düzüminde pudagyň paýynyň ýylsaýyn ýokarlanmagynyň oňa döwlet tarapyndan berilýän ykdysady we hukuk goldawynyň netijesinde mümkin bolandygy aýratyn bellärliklidir. Ýurdumyzda bazar gatnaşyklarynyň has-da çuňlaşýandygyny, hususan-da, täze iş orunlaryny döretmekde, ilatyň hal-ýagdaýyny gowulandyrmakda, bazarlarda azyk bolçulygyny üpjün etmekde uly mümkinçilikleri özünde jemleýän telekeçilik işiniň ösdürilýändiginiň güwäsidir. Tejribeden belli bolşy ýaly, önümiň hili onuň bäsdeşlige ukyplylygynyň esasy görkezijisi bolup durýar. Häzirki döwürde Türkmenistanda alnyp barylýan maýa goýum syýasaty milli ykdysadyýetiň diwersifikasiýa ýoly bilen ösdürilmegine ýardam berýän şertleriň biridir. Alnyp barylýan maýa goýum syýasatynyň ýörelgeleriniň, durmuş-ykdysady şertleri nazara almak bilen, sagdyn garaýyşlaryň esasynda işlenip düzülmegi onuň ykdysady taýdan netijeli bolmagyna oňyn täsir edýär. hususan-da, eýeçiligiň ähli görnüşlerindäki hojalyklaryň maýa goýum işjeňligini artdyrmak, eksporta gönükdirilen önümçiligi ösdürmek, ony döwlet tarapyndan goldamak ýörelgeleri esasynda amala aşyrmak bu syýasatyň üstünlikli durmuşa geçirilmegini üpjün edýän şertdir. Önümçilik bilen ylmyň arabaglanyşygyny işjeňleşdirmek, innowasion tehnologiýalara esaslanýan pudaklara çekilýän maýa goýumlaryň netijeliligini ýokarlandyrmak, daşary ýurt maýa goýumlaryny çekmegi dowam etdirmek, işewürler we maldarlar üçin özüne çekijiligi artdyrmak hormatly Prezidentimiziň parasatly baştutanlygynda amala aşyrylýan ykdysady özgertmeleriniň möhüm ugurlaryna degişli. Milli ykdysadyýetimizi uzak möhletleýin esasda ösdürmäge gönükdirilen wezipeler öňdebaryjy ylmy taglymatlar, innowasion tehnologiýalar arkaly ýurdumyzyň tebigy baýlyklarynyň mümkinçiliklerini has-da netijeli peýdalanmagy maksat edinýär.

Bagtyýar KÖMEKOW
Halkara ynsanperwer ylymlary we ösüş uniwersitetiniň talyby

Türkmen topragynda dörän gymmatlyk

Ahmedow — Tue, 07 Apr 2026 16:57:29 +0300

Ata-babalarymyz dünýä medeniýetiniň genji-hazynasy bolan ajaýyp bedewlerimizi oňat seýisläp, köpeldip we ganyny arassa saklap, nesillerimize galdyrypdyr. Şonuň üçinem Türkmenistan – behişdi bedewleriň mekany hökmünde ir döwürlerden bäri dünýä belli bolan ýurtdyr. Gahryman Arkadagymyz «Gadamy batly bedew», «Ahalteke bedewi – biziň buýsanjymyz we şöhratymyz», «Atda wepa-da bar, sapa-da» ýaly ajaýyp kitaplaryny halkymyza peşgeş bermek bilen behişdi bedewlerimiziň waspyny dessan edip dünýä ýaýdy. Türkmen bedewleriniň at-abraýy ir zamanlardan bäri dünýa ýaýrapdyr. Baryp XIII asyrda Merkezi Aziýanyň üsti bilen uzak Gündogara geçip giden italýan syýahatçysy Marko Polo: “Men size aýtsam: bu ýerde öran gowy türkmen atlary we gymmatbaha halylar bar” diýip, “Dünýäniň täsinlikleri barada” diýen kitabynda ýazypdyr. Elbetde, halkymyzyň “Gorkut ata”, “Görogly” ýaly eposlarynda hem bedew atlarymyzyň gözelligi, ýyndamlygy, wepadarlygy hakynda köp ýazgylar, goşgular bar. Nusgawy şahyrlarymyz Magtymguly Pyragy, Seýdi, Magrupy, Mätaji ýaly şahyrlarymyz hem türkmen bedewiniň waspyny ýetiripdirler. Sebäbi türkmen jemgyýetinde bedew atlar soweşlerde mert ýigitleri myradyna ýetiryan, ýeňşe ýardam berýän ýakyn ýoldaş, syrdaş hökmünde görlüpdir. Dürli ýaryşlarda üstün çykýan ýelden ýyndam, boz toýnakly atlar toý-bayramlaryň-da bezegi bolupdyr. Şonuň üçin halkymyzda “Atdyr ýigidiň myrady”, “Irden turup ataňy gör, ataňdan soň–atyňy”diýen ýaly nakyllar döräpdir. Behişdi bedewlere olaryň dörän mekanynda – türkmen topragynda häzirki döwürde aýratyn belent sarpa goýulýar.

Käkil GELDİMYRADOWA
Türkmenistanyň Telekommunikasiýalar we informatika institutynyň talyby

Sagdynlygyň, bagtyýarlygyň we ösüşiň ýurdy

Ahmedow — Mon, 06 Apr 2026 18:29:22 +0300

Adam hakdaky alada ýugrulan giň gerimli işler soňky ýyllarda ýurdumyzyň saglygy goraýyş ulgamynda durmuşa geçirilýän oňyn özgertmeleriň diňe bir Türkmenistanda däl, eýsem, bütin dünýäde uly goldawa eýe bolýandygyny äşgär etdi. Berkarar döwletimiziň täze eýýamynyň Galkynyşy döwründe her bir güni şanly senelere, toý-baýramlara beslenýän Türkmenistan döwletimizde aprel aýy sportuň we sagdynlygyň aýyna bagyşlanýar. «Saglyk» Döwlet maksatnamasy ýurdumyzda saglygy goraýşy kämilleşdirmek babatda özgertmeleriň aýgytly tapgyryna geçmäge badalga berdi. Döwlet öz raýatlarynyň saglygy we abadançylygy hakynda alada edýär. Sebäbi sagdyn jemgyýet sagdyn döwletiň özenidir. Daş-töwerekde saglyga täsir edýän esasy üç zat — arassa suw, tämiz howa, ýokumly iýmit hasap edilýär. Arassa agyz suwy bilen halkymyzyň doly üpjün edilmegi, ýylyň-ýylyna millionlarça bag nahallarynyň oturdylmagy, gurulýan zawod-fabrikleriň ekologiýanyň talaplaryna we kadalaryna laýyk gelmegi, öndürilýän önümleriň hiliniň ýokary bolmagyny gazanmak ýaly oňyn çözülýän möhüm meseleler muňa mysal bolup biler. Bütindünýä saglygy goraýyş guramasy bilen bilelikde alnyp barylýan maksatnamalary durmuşa geçirmekde biziň ýurdumyzyň goşýan goşandy bellenilmäge mynasypdyr. «Raýatlaryň saglygynyň temmäki tüssesiniň täsirinden we temmäki önümlerini ulanmagyň netijelerinden goralmagy hakynda» Kanunyň kabul edilmeginiň hemde temmäkä garşy göreşmek boýunça köpugurly maksatnamanyň durmuşa geçirilmegini gazanmak bilen, ýurdumyz Bütindünýä saglygy goraýyş guramasyna agza ýurtlaryň arasynda öňdebaryjy orny eýeleýändigi ýokardaky aýdanlarymyzyň doly güwäsidir. 7-nji aprelde Bütindünýä saglyk güni bellenýär. Bu gün Bütindünýä saglyk guramasynyň tertipnamasy güýje girizildi. Ol bar bolan döwründe dünýäniň 190 ýurdy, şol sanda biziň ýurdumyzy hem agza boldy. Bütindünýä saglyk güni mynasybetli her ýyl paýtagtymyzda awtoulagsyz günleriň, welosipedli ýörişleriň geçirilmegi asylly däbe öwrüldi. Berkarar döwletiň täze eýýamynyň Galkynyşy döwründe Gahryman Arkadagymyzyň asylly başlangyçlary hormatly Prezidentimiz Serdar Berdimuhamedowyň ýolbaşçylygynda mynasyp dowamyny tapýar. Goý, Gahryman Arkadagymyza, Arkadagly Gahryman Serdarymyza milli saglygy goraýyş ulgamyny dünýä derejesine çykarmak babatdaky tagallalarynda üstünlik hemra bolsun!

Orazmuhammet ANNAÝEW
Halkara senagatçylar we telekeçiler uniwersitetiniň Dil öwreniş bölüminiň talyby

Ykdysady özgertmeler-rowaçlyga ýarandyr

Ahmedow — Mon, 06 Apr 2026 18:28:46 +0300

Berkarar döwletiň täze eýýamynyň Galkynyşy döwründe bagtyýar durmuşyň, döredijilikli zähmetiň gaýnap joşýan mekany hökmünde tanalyp, şan-şöhraty äleme dolýan ata Watanymyzda gazanylýan beýik ösüşler, ýetilýän belent sepgitler kalbymyzy buýsançdan doldurýar. Hormatly Prezidentimiziň ýolbaşçylygynda durmuşa geçirilýän özgertmeleriň netijesinde halkymyz eşretli durmuşda ýaşaýar. Il-ýurt bähbitli işler ösüşiň täze belentliklerine tarap bedew bady bilen okgunly öňe barýan ýurdumyzy belent sepgitlere ýetirýär. Ýurdumyzda ýokary depginli durnukly ösüşi, ilatyň maddy hal-ýagdaýyny yzygiderli ýokarlandyrmagy, önümçilik serişdeleriniňdir gurallarynyň üznüksiz döwrebaplaşdyrylmagyny, ýurduň bäsdeşlige ukyplylygyny we howpsuzlygyny üpjün edýän milli ykdysadyýetiň nusgasyny döretmek zerurlygy ileri tutulýan ugur bolup öňe çykýar. Ýurdumyzy ösdürmek boýunça döwlet tarapyndan alnyp barýan giň gerimli durnukly ösüş strategiýasynyň binýatlyk ugry iň täze tehnologiýalara we innowasiýalara daýanyp, diwersifikasiýalaşan häzirki zaman ykdysady gurluşy döretmekden ybarat bolup durýar. Bäsdeşligiň deň şertlerini döretmek milli ykdysadyýetiň düzümini kämilleşdirmek syýasatynyň esasy höweslendirijisi bolup çykyş edýär. Şoňa görä-de, ykdysadyýetiň döwlete dahylsyz böleginiň ähli görnüşlerini we ýüze çykmalaryny doly möçberde üpjün etmek wajyp wezipedir. Ýurduň jemi içerki önüminiň düzüm üýtgemelerine döwlete dahylsyz bölek saldamly goşandyny goşýar. Hususy maýa innowasion ösüşe hem, ykdysadyýetiň anyk böleginde täze öňegidişlikleriň gazanylmagyna hem, ýokary bäsleşikli hyzmatlaryň ösüşine hem ýardam etmäge gönükdirilendir. Bazar ykdysadyýetiniň şertlerinde diňe önümleri öndürmek bilen çäklenilmän, eýsem, olary amatly ýerlemek wajyp ähmiýete eýe bolýar. Bu bolsa, öz gezeginde, içerki we daşarky bazarlarda ýurdumyzda öndürilýän önümlere islegi öwrenmegi talap edýär. Dünýä tejribesinde bu ugra döwrebap maglumat tehnologiýalary, hakykat ýüzünde — sanly ykdysadyýet ornaşdyrylýar. Ajaýyp zamanada ykdysady özgertmeler ýurdumyzy ösüşiň täze belentliklerine çykarmakda esasy ugur hökmünde öňe sürülýär. Döwlet durmuşynyň ähli pudaklaryny kämilleşdirmeklige, halkymyzyň bagtyýar durmuşda ýaşamagy üçin oňyn şertleri döretmeklige, raýatlaryň netijeli zähmet çekmekleri we oňat dynç almaklary üçin amatly şertleri üpjün etmeklige gönükdirilen işler oňyn netijelerini berýär. Hormatly Prezidentimiziň Watanymyzyň at-abraýyny, şan-şöhratyny artdyrmakda, halkymyzyň eşretli ýaşaýşy, Diýarymyzyň gülläp ösmegi ugrunda amala aşyrýan özgertmeleri ýurdumyzy geljekki ösüşleriň belentliklerine tarap öňe alyp barýar. Bagtyýar durmuşyň hözirini görüp ýaşaýan halkymyzyň beýik işleri amala aşyrýan döwlet Baştutanymyza ýürekden çykýan alkyşlary egsilmeýär.

Bagtyýar KÖMEKOW
Halkara ynsanperwer ylymlary we ösüş uniwersitetiniň talyby