Sport - Nesil.com.tm

SAGDYNLYGYŇ WE SPORTUŇ ÝURDY

Ahmedow — Sat, 08 Nov 2025 17:31:10 +0300

Türkmenistan öz daşary syýasat strategiýasynda parahatçylyk söýüjilik we oňyn Bitaraplyk ýörelgelerini netijeli diplomatik gurallaryň biri hökmünde berkitmek bilen, ynsanperwer gatnaşyklary, şol sanda sport ulgamynda hyzmatdaşlygy ösdürmäge möhüm ähmiýet berýär. Ýatlap geçsek BMG-niň Baş Assambleýa Türkmenistanyň başlangyjy bilen hem-de Milletler bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnama kabul edildi. Bu resminama dünýäniň 87 döwletiniň awtordaş üçin möhümdiginiň we ägirt uly ähmiýete eýediginiň aýdyň beýany boldy. 2028-nji ýylda Amerikanyň Birleşen Ştatlarynyň Los-Anjeles şäherinde geçiriljek XXXIV tomusky Olimpiýa hem-de XVIII tomusky Paralimpiýa oýunlaryna Türkmenistanyň milli ýygyndy toparlaryny taýýarlamak we olaryň gatnaşmagyny üpjün etmek maksady bilen, hormatly Prezidentimiz Karara gol çekdi. Resminama laýyklykda, XXXIV tomusky Olimpiýa we XVIII tomusky Paralimpiýa oýunlaryna Türkmenistanyň milli ýygyndy toparlaryny taýýarlamak boýunça guramaçylyk topary döredildi hem-de onuň düzümi tassyklanyldy. Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda Türkmenistan Watanymyz, şonuň bilen birlikde gözel paýtagtymyz Aşgabat, sözüň doly manysynda, sagdynlygyň, ruhubelentligiň, dost-doganlygyň, sportuň mekanyna öwrüldi. Ýurdumyzda ähli sport görnüşleri bilen bir hatarda, sportuň welosport görnüşini ösdürmekde uly işler hem amala aşyrylýar. Mälim bolşy ýaly, Türkmenistanyň teklibi boýunça BMG-niň Baş Assambleýasy 3-nji iýuny «Bütindünýä welosiped güni» diýip yglan etdi. Bu baýram her ýyl giňden bellenilýär. Şeýle-de ýurdumyzyň teklibi boýunça BMG-niň Baş Assambleýasy «Durnukly ösüşi gazanmak üçin köpçülikleýin welosiped sürmegi jemgyýetçilik ulag ulgamlaryna girizmek» atly Kararnamany kabul edendigini bellemek gerek. Bularyň ählisi dünýä bileleşigi tarapyndan ýurdumyzyň bedenterbiýe-sagaldyş, sport hereketiniň ösdürilmegine, jemgyýetde ekologik medeniýetiň kämilleşdirilmegine, milli, sebitleýin hem-de ählumumy derejede Durnukly ösüş maksatlaryna ýetmäge uly goşandynyň ykrar edilýändiginiň anyk mysallarydyr.

Şöhrat HALLYÝEW
Türkmen döwlet bedenterbiýe we sport institutynyň Sportuň göreş görnüşleri kafedrasynyň uly mugallymy

HALKYMYZYŇ AGZYBİRLİGİ- TEBİGATYŇ GÖZELLİGİ

Ahmedow — Sat, 08 Nov 2025 11:42:23 +0300

Türkmen halkynyň Milli Lideri Gahryman Arkadagymyzyň beýik başlangyçlaryny üstünlikli dowam etdirýän Arkadagly Gahryman Serdarymyzyň parasatly baştutanlygynda ýurdumyzda ähli ugurlar bilen bir hatarda ekologik abadançylygy üpjün etmek babatda hem dünýä nusgalyk işler amala aşyrylýar. Her ýylyň ýaz we güýz möwsümlerinde ählihalk bag ekmek çäreleriniň ýokary guramaçylyk derejesinde geçirilmegi-de munuň aýdyň mysallarynyň biridir. Bu asylly işler halkymyzyň sagdyn we bagtyýar durmuşda ýaşamagyna gönükdirilip, ajaýyp tebigatyň baýlyklaryny we gözelliklerini geljekki nesiller üçin gorap saklamakda uly ähmiýete eýedir. Köpçülikleýin bag nahallaryny oturtmak halkymyzyň agzybirligine, tebigatymyzyň gözelligine, dem alýan howamyzyň arassa hem tämiz bolmagyna ýardam edýär. Daşky gurşawyň abadançylygyny gorap saklamak babatda alnyp barylýan döwlet syýasaty, bu ugurda öňe sürülýän başlangyçlar, «ýaşyl» ykdysadyýeti döretmek ugrundaky tagallalar umumadamzat bähbitlerini nazarlaýar. Munuň özi sagdyn ýaşaýşyň, durnukly ösüşiň esasydyr. Şeýle bolansoň, ata Watanymyzyň durmuş-ykdysady ösüşi ekologiýa meseleleriniň çözgüdine laýyklykda alnyp barylýar. Ýurdumyz ekologiýa taýdan halkara guramalar, şol sanda Birleşen Milletler Guramasynyň ösüş maksatnamasy, Daşky gurşaw boýunça maksatnamasy, Merkezi Aziýa sebitleýin ekologiýa merkezi, Bütindünýä ekologiýa gaznasy, Araly halas etmegiň Halkara gaznasy ýaly guramalar bilen yzygiderli hyzmatdaşlyk edýär. Şunuň bilen bagly ýurdumyz daşky gurşawy goramak boýunça kabul edilen halkara konwensiýalaryň köpüsine işjeň gatnaşýar. Bu maksatnamalarda ýurdumyz giň möçberde tebigaty goramak, howanyň üýtgemegine garşy göreşmek, bioköpdürlüligi saklamak ýaly meselelerde örän aýgytly çykyş edýär. şeýle hem eziz Watanymyz tebigy serişdeleri rejeli ulanmak we howanyň üýtgemeginiň öňüni almak boýunça mynasyp goşandyny goşýar.

Döwletmyrat AMANOW
Myrat Garryýew adyndaky Türkmenistanyň Döwlet lukmançylyk uniwersitetiniň Şöhle bilen anyklaýyş bejeriş we onkologiýa kafedrasynyň assistenti

PARAHATÇYLYGYŇ WE SAGDYNLYGYŇ ÝURDY

Ahmedow — Fri, 07 Nov 2025 18:08:52 +0300

Hormatly Prezidentimiz Serdar Berdimuhamedowyň parasatly baştutanlygynda ýurdumyzda amala aşyrylýan düýpli özgertmeler giň gerimi hem-de täzeçilligi bilen tapawutlanýar. Halkymyzyň, her bir maşgalanyň, ýurdumyzyň her bir raýatynyň abadançylygy hakynda atalyk aladasyny edýän Milli Liderimiziň başlangyjy bilen döredilen, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan giň gerimli işleri çagalaryň ençemesiniň arzuwlaryna ganat, geljegine umyt berdi. Mälim bolşy ýaly, halkyň saglygyny goramak Gahryman Arkadagymyz tarapyndan başy başlanyp, häzirki wagtda Arkadagly Gahryman Serdarymyzyň başda durmagynda mynasyp dowam etdirilýän döwlet syýasatynyň ileri tutulýan ugurlarynyň biridir. Ýurdumyzyň ähli künjeklerinde iň kämil lukmançylyk enjamlary bilen üpjün edilen köp sanly saglyk merkezleriniň, hassahanalaryň, şypahanalaryň gurlup ulanmaga berilmegi ilatyň saglygy hakyndaky aladanyň döwletimiziň hemişe üns merkezinde saklanýandygyny aýdyň görkezýär. Hormatly Prezidentimiz Türkmenistanyň Halk Maslahatyndaky taryhy çykyşynda halkymyzyň saglygynyň, abadan we bagtyýar durmuşynyň döwlet syýasatynyň ileri tutulýan ugurlarynyň biridigine ünsi çekdi. Saglygy goraýyş ulgamynda halkymyza dünýä ülňülerine laýyk gelýän, elýeterli, ýokary hilli lukmançylyk hyzmatlary edilýär. Ýurdumyzda «Arkadag Medisina Klasteri Menejment» kärhanasynyň döredilmegi bilen, dürli görnüşli lukmançylyk serişdeleriniň önümçiligi ýola goýuldy. Saglygy goraýyş ulgamynda yzygiderli ulanylýan, ekologik taýdan arassa ýerli çig mallardan öndürilýän bu önümler geljekde dünýä bazarlarynda uly orny eýeleýär.
Halkymyzyň saglygyny goramagy, ýurdumyzyň abadançylygyny gazanmagy iň uly maksat edinen Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!

Sona ARTYKOWA
Myrat Garryýew adyndaky Türkmenistanyň Döwlet lukmançylyk uniwersitetiniň Gistologiýa, sitologiýa we embriologiýa kafedrasynyň mugallymy

«İL SAGLYGY ÝURT BAÝLYGY»

Ahmedow — Fri, 07 Nov 2025 17:39:23 +0300

Türkmen halkynyň Milli Lideriniň belleýşi ýaly, Garaşsyz döwletimizde il saglygy ýurt baýlygyna deňelýär. Şoňa görä-de, Arkadagly Gahryman Serdarymyzyň parasatly baştutanlygynda ýurdumyzda sagdyn durmuş ýörelgelerini ornaşdyrmaga, keselleriň öňüni almaga uly ähmiýet berilýär. Beden hem-de ruhy taýdan sagdyn, Garaşsyz, hemişelik Bitarap Watanymyza wepaly, ukyp-başarnykly nesilleri ýetişdirmek boýunça giň gerimli işler alnyp barylýar. «Saglyk» Döwlet maksatnamasyna laýyklykda, lukmançylyk ulgamyna häzirki döwrüň iň kämil tehnologiýalaryny, öňdebaryjy dünýä tejribesini ornaşdyrmaga döwletimiz tarapyndan köp serişdeler goýberilýär. Ýurdumyzyň paýtagty Aşgabat we Arkadag şäherlerinde, sebitlerimizde dünýä ölçeglerine laýyk enjamlaşdyrylan hassahanalar, saglyk öýleri we merkezleri, şypahanalar, sport toplumlary yzygiderli gurlup, pudagyň üpjünçilik ulgamy döwrebaplaşdyrylýar. Ilatymyza ýokary hilli lukmançylyk kömegi ýola goýlup, saglygy goraýşyň milli nusgasy kämilleşdirilýär. Hormatly Prezidentimiziň belleýşi ýaly, kabul edilen milli we döwlet maksatnamalary esasynda paýtagtymyzda hem-de welaýatlarda Bütindünýä Saglygy Goraýyş Guramasynyň ölçeglerine laýyk gelýän bejeriş-anyklaýyş merkezleri, şypahanalar, ýerli çig maldan derman serişdelerini öndürýän döwrebap kärhanalar, häzirki zaman ylmy-kliniki merkezleri, saglyk öýleri yzygiderli gurlup, Garaşsyz Watanymyzyň taryhyna şöhratly sahypalar ýazylýar. Türkmen halkynyň Milli Lideri Gahryman Arkadagymyzyň belleýşi ýaly, hormatly Prezidentimiz Serdar Berdimuhamedowyň durmuş ugurly syýasaty esasynda Berkarar döwletiň täze eýýamynyň Galkynyşy döwründe Türkmenistan sagdynlygyň we ruhubelentligiň ýurdy hökmünde ykrar edilýär. Lukmançylyk edaralarynyň mümkinçiliklerini netijeli ulanmak hem-de innowasion ugurlara gönükdirmek boýunça tutumly işler alnyp barylýar.
Köp ýyllaryň dowamynda ýurdumyzyň saglygy goraýyş ulgamyna ýolbaşçylyk eden türkmen halkynyň Milli Lideriniň başlangyjy bilen öňe sürlen we işlenilip taýýarlanylan «Saglyk» Döwlet maksatnamasynyň yzygiderli durmuşa geçirilmegi netijesinde soňky ýyllarda bu ulgamyň düzümleri giňeldilip, maddy-enjamlaýyn binýady pugtalandyrylýar, ulgama innowasion tehnologiýalar, iň gowy dünýä tejribeleri we lukmançylyk ulgamyndaky gazanylanlar işjeň ornaşdyrylýar. Şunuň bilen bir hatarda, jemgyýetimizde sagdyn durmuş ýörelgelerini ornaşdyrmak, ilaty bedenterbiýe, sport bilen meşgullanmaga köpçülikleýin çekmek, öňüni alyş işlerini geçirmek, dürli gelip çykyşly keselleri irki döreýiş wagtynda anyklamak we netijeli bejermek möhüm wezipeleriň biridir. Ýurdumyzyň ähli künjeginde daşary ýurtly önüm öndürijileriň öňdebaryjy enjamlary ornaşdyrylan döwrebap lukmançylyk merkezleriniň, ugurdaş desgalaryň gurulmagy hem-de ýokary bilimli hünärmenleriň taýýarlanylmagy bilen, türkmenistanlylar halkara ölçeglere laýyk gelýän lukmançylyk hyzmatlaryndan peýdalanmaga mümkinçilik aldylar.

Selbi AMANOWA
Myrat Garryýew adyndaky Türkmenistanyň Döwlet lukmançylyk uniwersitetiniň Medisina ekologiýasy we gigiýena kafedrasynyň müdiri, uly mugallym

SAGDYNLYGYŇ, RUHUBELENTLİGİŇ, DOST-DOGANLYGYŇ, SPORTUŇ MEKANY

Ahmedow — Thu, 23 Oct 2025 18:21:16 +0300

Ýurdumyz öz daşary syýasat strategiýasynda parahatçylyk söýüjilik we oňyn Bitaraplyk ýörelgelerini netijeli diplomatik gurallaryň biri hökmünde berkitmek bilen, ynsanperwer gatnaşyklary, şol sanda sport ulgamynda hyzmatdaşlygy ösdürmäge möhüm ähmiýet berýär. Şu ýylyň sentýabrynda BMG-niň Baş Assambleýa Türkmenistanyň başlangyjy bilen hem-de Milletler bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnama kabul edildi. Bu resminama dünýäniň 87 döwletiniň awtordaş üçin möhümdiginiň we ägirt uly ähmiýete eýediginiň aýdyň beýany boldy. 2028-nji ýylda Amerikanyň Birleşen Ştatlarynyň Los-Anjeles şäherinde geçiriljek XXXIV tomusky Olimpiýa hem-de XVIII tomusky Paralimpiýa oýunlaryna Türkmenistanyň milli ýygyndy toparlaryny taýýarlamak we olaryň gatnaşmagyny üpjün etmek maksady bilen, hormatly Prezidentimiz Karara gol çekdi. Resminama laýyklykda, XXXIV tomusky Olimpiýa we XVIII tomusky Paralimpiýa oýunlaryna Türkmenistanyň milli ýygyndy toparlaryny taýýarlamak boýunça guramaçylyk topary döredildi hem-de onuň düzümi tassyklanyldy. Berkarar döwletiň täze eýýamynyň Galkynyşy döwründe halkara duşuşyklaryň we forumlaryň mekanyna öwrülen paýtagtymyzda üstünlikli geçirilen Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisiniň çäklerinde Aşgabat şäherini «Arkalaşygyň täze sport mümkinçilikleriniň şäheri» diýip yglan etmek hakyndaky Çözgüdiň biragyzdan kabul edilmegi hem örän guwandyryjydyr. Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda Türkmenistan Watanymyz, şonuň bilen birlikde gözel paýtagtymyz Aşgabat, sözüň doly manysynda, sagdynlygyň, ruhubelentligiň, dost-doganlygyň, sportuň mekanyna öwrüldi.

Gadam BERDİÝEW
Türkmenistanyň Telekommunikasiýalar we informatika institutynyň talyby

SAGDYN JEMGYÝET-YGTYBARLY GELJEK

Ahmedow — Tue, 21 Oct 2025 18:09:00 +0300

Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda Berkarar döwletiň täze eýýamynyň Galkynyşy döwründe ýurdumyzda saglygy goraýyş ulgamyny yzygiderli kämilleşdirmek, raýatlarymyzyň saglygyny berkitmek, ynsan ömrüniň dowamlylygyny uzaltmak boýunça giň gerimli işler alnyp barylýar. Kabul edilen milli döwlet maksatnamalary esasynda paýtagtymyzda hem-de welaýatlarda Bütindünýä Saglygy Goraýyş Guramasynyň ölçeglerine laýyk gelýän bejeriş-anyklaýyş merkezleri, şypahanalar, ýerli çig maldan derman serişdelerini öndürýän döwrebap kärhanalar, häzirki zaman ylmy-kliniki merkezleri, saglyk öýleri yzygiderli gurlup, Garaşsyz Watanymyzyň taryhyna şöhratly sahypalar ýazylýar. 2021-nji ýylyň martynda döredilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy häzirki zaman türkmen jemgyýetiniň binýadyny emele getirýän ynsanperwer işleriň dabaralanýandygynyň nyşanydyr. Bu gaznanyň serişdeleriniň hasabyna çagalaryň köp sanlysynyň saglygy dikeldildi. Bularyň ählisi halkymyzyň saglygy we abadançylygy baradaky aladanyň ilkinji orunda durýandygyny aýdyň görkezýär.
Ýurdumyzyň saglygy goraýyş we derman senagaty ulgamyny innowasion ösüş ýoluna gönükdirmegiň, dünýä ylmynyň öňdebaryjy tejribesini giňden ornaşdyrmagyň Türkmenistanyň bu ugurda durmuşa geçirýän döwlet syýasatynyň möhüm ugurlarynyň biri bolup durýar. Milli saglygy goraýyş ulgamynyň ähli üstünlikleri we gazananlary Gahryman Arkadagymyzyň ady bilen aýrylmaz baglanyşyklydyr. «Saglyk» Döwlet maksatnamasynyň çäklerinde milli saglygy goraýyş ulgamyny yzygiderli döwrebaplaşdyrmak, lukmançylyk ylmyny ösdürmek, jemgyýetde sagdyn durmuş ýörelgelerini wagyz etmek boýunça giň gerimli işler alnyp barylýar.

Uzykjemal PATYŞAKULİÝEWA
Türkmenistanyň Telekommunikasiýalar we informatika institutynyň talyby

ÝURT ABADANÇYLYGY

Ahmedow — Mon, 20 Oct 2025 16:04:00 +0300

Türkmen halkymyz «Bar zadyň sakasy — saglyk», «Saglygym — baýlygym» ýaly pähimlerinden ugur alyp, ýurdumyzda, şol sanda Arkadag şäherinde sagdyn durmuş ýörelgeleriniň berkidilmegine möhüm ähmiýet berilýär. Şunuň bilen baglylykda, Arkadag şäherinde döredilen «Arkadag Medisina Klasteri Menejment» kärhanasy uly işleri durmuşa geçirýär. Kärhanada saglygy goraýyş ulgamynda yzygiderli ulanylýan durnukly lukmançylyk önümleri öndürilýär. Munuň özi lukmançylyk edaralarynda zerur bolan serişdeleriň ýerli çig mallardan öndürilýän möçberleriniň artdyrylmagynda uly ähmiýete eýedir. Köp ýyllaryň dowamynda ýurdumyzyň saglygy goraýyş ulgamyna ýolbaşçylyk eden türkmen halkynyň Milli Lideriniň başlangyjy bilen öňe sürlen we işlenip taýýarlanylan «Saglyk» Döwlet maksatnamasynyň yzygiderli durmuşa geçirilmegi netijesinde, soňky ýyllarda bu ulgamyň düzümleri giňeldilip, maddy-enjamlaýyn binýady pugtalandyrylýar, ulgama innowasion tehnologiýalar, iň gowy dünýä tejribeleri we lukmançylyk ulgamyndaky gazanylanlar işjeň ornaşdyrylýar. Şunuň bilen bir hatarda, jemgyýetimizde sagdyn durmuş ýörelgelerini ornaşdyrmak, ilaty bedenterbiýe, sport bilen meşgullanmaga köpçülikleýin çekmek, öňüni alyş işlerini geçirmek, dürli gelip çykyşlary keselleri irki döreýiş wagtynda anyklamak we netijeli bejermek möhüm wezipeleriň biridir.
Türkmenistan saglygy goraýyş ulgamynyň ilatyň arassaçylyk-epidemiologik abadançylygyny üpjün etmek ýaly ugurda hem dünýäniň köp döwletleri üçin nusgalyk ýurtdur. Bu ulgamda alnyp barylýan giň möçberli işler raýatlaryň saglygyny pugtalandyrmak, durmuş üçin howpsuz şertleri döretmek, ýokanç keselleriň öňüni almak ýaly möhüm wezipeleri çözmäge gönükdirilendir. Türkmenistanda ähli ulgamlarda, aýratyn-da, saglygy goraýyş ulgamynda gazanylýan üstünliklere guwanjymyz, buýsanjymyz çäksizdir.

Aýgül ŽALAÝEWA
Türkmenistanyň Telekommunikasiýalar we informatika institutynyň talyby

«Altyn Asyr» topary «Köpetdag» toparyndan, «Nebitçi» topary bolsa «Aşgabat» toparyndan üstün çykdy

Ahmedow — Tue, 16 Sep 2025 17:15:43 +0300

Ýokary liganyň toparlarynyň arasynda geçirilýän 2025-nji ýylyň futbol boýunça Türkmenistanyň çempionatynyň 19-njy tapgyrynyň çägindäki iki duşuşyk hem Aşgabat şäherinde geçirildi.

Tapgyryň iň netijeli duşuşygy Büzmeýin etrabynyň «Sport toplumy» stadionynda geçirilen duşuşygy bolup, onda «Altyn asyr» topary «Köpetdag» toparyny kabul etdi.

Duşuşyk dolulygyna diýen ýaly ýer eýeleriniň artykmaçlygynda geçdi, olar birinji ýarymda iki, ikinji ýarymda bolsa üç pökgi geçirdiler. «Altyn asyr» toparynyň derwezesine bolsa diňe bir pökgi girdi. Ýeňijileriň arasynda aşakdaky futbolçylar – 3-nji minutda Myrat Annaýew, 39-njy minutda Begençmyrat Myradow, 50-nji minutda Süleýman Muhadow, 86-njy minutda bolsa Zafar Babajanow tapawutlandylar. Şeýle hem «Köpetdag» toparynyň oýunçysy Resul Mahmydow 53-nji minutda öz derwezesine geçiren pökgüsi bilen tapawutlandy. Ýeňlişe sezewar bolan toparda bolsa Şamyrat Mämedow 84-nji minutda abraýly pökgüsini geçirdi.

Duşuşygyň 24-nji minudynda «Altyn asyr» toparynyň oýunçysy Rahman Myratberdiýew we «Köpetdag» toparynyň oýunçysy Myrat Dadaýew meýdançadan çykaryldy we toparlar oýny doly däl düzümde tamamladylar.

5:1 hasaby bilen ýeňiş gazanan «Altyn asyr» topary 33 utuk bilen milli çempionatyň ikinji basgançagyna çykdy. «Ahal» toparynyň bolsa bir utugy az, sebäbi ol 3 oýny kem oýnady.

14-nji ýeňlişini geçiren «Köpetdag» topary bolsa 8 utuk bilen ýaryş sanawynyň iň soňky ornunda galýar.

Tapgyryň ikinji duşuşygy «Nusaý» stadionynda geçirildi. Bu ýerde Balkanabat şäheriniň «Nebitçi» topary «Aşgabat» topary bilen duşuşdy we 2:1 hasabynda ýeňiş gazandy.

Ýer eýeleri eýýäm 1-nji minutda tapawutlandylar. Meýdançanyň uzak aralygyndan geçirilen pökgi ýere degip, derwezeçiniň üstünden geçdi we Pirmyrat Soltanow kellesi bilen ony boş derwezä ugrukdyrdy. 18-nji minutda Serdar Gulyýew hasaby deňledi – 1:1. 63-nji minutda bolsa Arslangylyç Nazgylyjow jerime urgusyny üstünlikli ýerine ýetirip, «Nebitçi» toparyna ýeňiş getirdi.

74-nji minutda Said Soltanmyradowyň iki sary kartoçka alandygy sebäpli «Aşgabat» topary oýny azlykda dowam etdi.

Bu ýeňişden soň «Nebitçi» topary 22 utuk bilen bäşinji orunda we «Aşgabat» toparyndan 5 utuk öňe geçdi.

Milli çempionatyň 19-njy tapgyrynyň jemleýji duşuşygy bolan «Şagadam» – «Ahal» toparlarynyň duşuşygy, Türkmenistanyň wise-çempiony bilen Hindistanyň «Mohun Bagan» toparynyň arasyndaky AFK-nyň 2-nji Çempionlar ligasynyň toparçalaýyn tapgyrynyň ilkinji duşuşygy sebäpli, ätiýaçlyk günleriniň birine geçirildi

Çeşme:«Altyn asyr» elektron gazeti

«Arkadag» we «Ahal» toparlarynyň AFK-nyň 2-nji Çempionlar ligasynyň toparçalaýyn tapgyryndaky garşydaşlary belli boldy

Ahmedow — Sat, 16 Aug 2025 03:59:34 +0300

Düýn Malaýziýanyň Kuala-Lumpur şäherindäki Aziýanyň Futbol konfederasiýasynyň (AFK) merkezinde AFK-nyň 2-nji Çempionlar ligasynyň toparçalaýyn tapgyrynyň bije çekişligi geçirildi. Onda «Arkadag» we «Ahal» toparlarynyň garşydaşlary kesgitlendi.
Bijäniň netijesine görä, Türkmenistanyň iki gezek çempiony «Arkadag» topary «B» toparçada «Al-Ahli» (Katar), «Andijan» (Özbegistan), «Al-Haldiýa» (Bahreýn) toparlary bilen bäsleşer. Ýurdumyzyň wise-çempiony «Ahal» topary bolsa «C» toparçada «Sepahan» (Eýran), «Al-Husseýn» (Iordaniýa) hem-de «Mohun Bagan» (Hindistan) toparlary bilen bäsleşer.
«Arkadag» topary yklymyň topar ýaryşynda AFK-nyň Çagyryş ligasynyň (Aziýada üçünji derejeli ýaryş) ýeňijisi hökmünde çykyş eder, «Ahal» topary bolsa Täjigistanyň Tursunzade şäherinde geçirilen duşuşykda «Regar-TadAZ» toparyndan 2:1 hasabynda üstün çykyp, AFK-nyň 2-nji Çempionlar ligasynyň toparçalaýyn tapgyrynda çykyş etmäge mümkinçilik aldy.
Bilermenleriň habar berşi ýaly, çekeleşigiň dowamynda türkmen toparlary Saud Arabystanyň dokuz gezek çempiony «Al-Nasr» topary bilen bäsleşip bilerdiler, bu toparda Portugaliýaly meşhur hüjümçi Kriştiano Ronaldo we beýleki köp sanly futbol ýyldyzlary çykyş edýärler. Emma bije çekişligiň netijesinde «Al-Nasr» topary «D» toparça düşdi.
Türkmen toparlaryna hem ýeňil garşydaşlar düşmedi.
«Arkadag» topary öz toparçasynda Özbegistanyň Kubogynyň eýesi bolan «Andijan» (ýurduň ýokary ligasynda 9-njy orny eýeledi), Bahreýniň wise-çempiony «Al-Haldiýa» we Kataryň ýokary ligasynda 4-nji orny eýelän «Al-Ahli» toparlary bilen bäsleşer.
«Ahal» topary bolsa Iordaniýanyň çempiony «Al-Husseýn», Eýranyň wise-çempiony «Sepahan» we Hindistanyň çempiony «Mohun Bagan» toparlary bilen duşuşar.
«Ahal» AFK-nyň Çempionlar ligasynda eýýäm iki gezek oýnan ilkinji türkmen futbol topary. 2022-nji ýylda «Ahal» topary ilkinji gezek Aziýanyň futbol toparlarynyň esasy bäsleşiginde Türkmenistana wekilçilik etdi. Jidda şäherinde (Saud Arabystany) Türkmenistandan, Eýrandan, Katardan we Birleşen Arap Emirliklerinden dört toparyň gatnaşmagynda iki aýlawda geçirilen AFK-nyň Çempionlar ligasynda «Türkmennebitönümleri» Baş müdirliginiň topary Kataryň «Al-Garafa» toparyny 4:2 hasabynda ýeňdi. Aziýada geçirilen bu abraýly topar ýaryşyň ilkinji duşuşygynda 2015-nji ýylda geçirilen AFK-nyň Çempionlar ligasynyň finalçysy, BAE-den bürünç medal gazanan «Şabab Al-Ahli» topary bilen deňme-deň oýnady – 1:1. Alty duşuşygyň netijelerine esaslanyp, «Ahal» topary 4 utuk bilen 4-nji ýeri eýeledi, «Al-Garafa» topary (5 utuk), «Şabab Al-Ahli» topary (10 utuk) we Eýranyň «Folad» topary (12 utuk).
2023-nji ýylda «Ahal» topary ikinji gezek AFK-nyň esasy topar ýaryşyna gatnaşyp, «A» toparçada çykyş etdi. Ol ýerde onuň garşydaşlary «Al-Ain» (BAE), «Al-Faýha» (Saud Arabystany) we «Pahtakor» (Özbegistan) toparlary boldy. Netijede «Ahal» topary 4-nji orny eýeledi.
Şu ýylky AFK-nyň 2-nji Çempionlar ligasynyň toparçalaýyn tapgyry, öňki AFK-nyň Kubogy ady bilen tanalýan ýaryş, 22 döwletiň 32 toparynyň gatnaşmagynda geçiriler. Olar geografik taýdan iki zolaga – Günbatar we Gündogar zolagyna bölüner.

«Günbatar» zolagy
«A» toparçada: «Al-Wasl» (BAE), «Esteghlal» (Eýran), «Al-Muharrak» (Bahreýn), «Al-Wehdat» (Iordaniýa).
«B» toparçada: «Al-Ahli» (Katar), «Andijan» (Özbegistan), «Arkadag» (Türkmenistan), «Al-Haldiýa» (Bahreýn).
«C» toparçada: «Fulad Mobarake Sepahan» (Eýran), «Al-Husseýn» (Iordaniýa), «Mohun Bagan Super Gigant» (Hindistan), «Ahal» (Türkmenistan).
«D» toparçada: «Al-Nasr» (Saud Arabystany), «Al-Zawraa» (Yrak), «Istiklol» (Täjigistan), «Goa» (Hindistan).

«Gündogar» zolagy
«E» toparçada: «Pekin» (Hytaý), «Makartur» (Awstraliýa), «Taý Po» (Gonkong), «Kong An Hanoi» (Wýetnam).
«F» toparçada: «Gamba Osaka» (Ýaponiýa), «Nam Dinh» (Wýetnam), «Ratçaburi» (Taýland), «Eastern» (Gonkong).
«G» toparçada: «Bangkok United» (Tailand), «Selangor» (Malaýziýa), «Lion City Sailors» (Singapur), «Persib Bandung» (Indoneziýa).
«H» toparçada: «Pohang Steelers» (Koreýa Respublikasy), «BG Pathum United» (Tailand), «Kaya FC–Iloilo» (Filippinler), «Tampines Rovers» (Singapur).

Toparçalaýyn tapgyryň duşuşyklary 2025-nji ýylyň 16-njy sentýabry bilen 24-nji dekabry aralygynda geçiriler. Her topar üç duşuşygy öýünde, üçüsini bolsa myhmançylykda geçirer. Her toparçadan ilkinji iki orny eýelän topar 1/8 finala çykar.
1/8 finalynyň duşuşyklary 2026-njy ýylyň 10 – 19-njy fewraly aralygynda geçiriler. Çärýek final duşuşyklary 3 – 12-nji martda, ýarym final duşuşyklary 7 – 15-nji aprelde, final duşuşygy bolsa 16-njy maýda geçiriler.

«AA»-nyň habarçysy
Çeşme: «Altyn asyr» elektron gazeti

Moskwa şäherinde «BMG – 80 oýunlary» atly sport ýaryşlaryna badalga bermek dabarasy geçirildi

Ahmedow — Wed, 13 Aug 2025 19:13:29 +0300

Ýakynda (2025-nji ýylyň 4-nji awgustynda) Russiýa Federasiýasynyň DIM-iň Moskwa döwlet halkara gatnaşyklary institutynda (uniwersitetinde) «BMG – 80 oýunlary» atly sport ýaryşlaryna badalga bermek dabarasy, şeýle hem onuň çäklerindäki küşt boýunça dostluk ýaryşy geçirildi.

Türkmenistanyň Russiýa Federasiýasyndaky Ilçihanasynyň, Russiýanyň BMG-ä ýardam beriş Assosiasiýasynyň, BMG-niň Maglumat merkeziniň hem-de BMG – 80 jemgyýetçilik komitetiniň bilelikde guramagynda geçirilen küşt ýaryşy Türkmenistanyň başlangyjy bilen dünýäniň 80-den gowrak ýurdunyň, şol sanda Russiýa Federasiýasynyň awtordaş bolup çykyş etmeginde yglan edilen “Halkara parahatçylyk we ynanyşmak ýyly” mynasybetli geçirildi.

Çärä jemgyýetçilik işgärleri, diplomatik korpusynyň wekilleri, mekdep okuwçylary, talyplar we Russiýa Federasiýasynyň DIM-iň Moskwa döwlet halkara gatnaşyklary institutynyň ýaş liderleri gatnaşdylar.

Açylyş dabarasy Russiýa Federasiýasynyň Daşary işler ministri S.W.Lawrowyň gutlag sözi bilen başlandy.

Soňra dabarada Russiýanyň BMG-ä ýardam beriş Assosiasiýasynyň başlygy, Russiýanyň DIM-iň MGIMO-nyň rektory, Russiýanyň Ylymlar akademiýasynyň akademigi, professor A.W.Torkunow, BMG-niň Maglumat merkeziniň müdiri W.W.Kuznesow, Türkmenistanyň Russiýa Federasiýasyndaky Adatdan daşary we Doly ygtyýarly Ilçisi E.M.Aýdogdyýew, şeýle hem sowet we russiýaly hokkeýçi, BMG-niň Hoşniýetlilik Ilçisi W.Fetisow çykyş etdiler.

E.Aýdogdyýew öz çykyşynda sport diplomatiýasynyň Türkmenistanyň halkara işleriniň iň möhüm ugurlarynyň biri bolup durýandygyny belledi. Sport parahatçylygyň, ynamyň we özara düşünişmegiň gullugynda – bu Türkmenistanyň ýolbaşçylygynyň durmuşa geçirýän sport hyzmatdaşlygy strategiýasynyň düýp manysydyr. Şu ýyl dünýä jemgyýetçiligi bilen bilelikde Türkmenistan ýurdumyzyň hemişelik Bitaraplygynyň 30 ýyllygy, Ýeňişiň 80 ýyllygy, şeýle hem BMG-niň döredilmeginiň 80 ýyllygy ýaly möhüm seneleri belleýär. Türkmenistanyň Bitaraplygynyň 30 ýyllygy mynasybetli dekabrda Aşgabat şäherinde dünýäniň onlarça döwletlerinden we halkara guramalaryndan ýokary derejeli wekilleriň gatnaşmagynda geçiriljek Halkara maslahaty bu çäreleriň naýbaşysy bolar.

Çykyşlarda BMG-niň Baş Assambleýasynyň 78-nji mejlisiniň dowamynda Türkmenistanyň hem-de Hindistanyň başlangyjy bilen «Birleşen Milletler Guramasynyň oýunlary» kararnamasynyň kabul edilmeginiň ähmiýeti nygtaldy, döwletleriň we halklaryň arasyndaky parahatçylygy, dostlugy we özara düşünişmegi berkitmekde Türkmenistanyň eýeleýän ornuny barada aýdyldy. Geçiriljek çäräniň sport, medeniýet we diplomatik aragatnaşyk arkaly birleşmegiň nyşany bolmak bilen, parahatçylyk, özara düşünişmek we halkara hyzmatdaşlyk ýörelgelerini berkitmäge çagyrylýandygy bellenildi.

Küşt boýunça geçirilen ýaryşa 30-dan gowrak adam, şol sanda diplomatik korpusyň wekilleri, talyplar we sport mekdepleriniň okuwçylary gatnaşdylar.

Ýaryşyň ahyrynda ýeňijileri sylaglamak dabarasy geçirildi: gatnaşyjylara ýadygärlik diplomlary, ýaryşyň ýeňijisine bolsa Oýunlaryň kubogy gowşuryldy.

BMG-niň oýunlary 2025-nji ýylyň sentýabrynda futbol, tennis we küşt ýaryşlary bilen dowam eder.

Çeşme: «Altyn asyr» elektron gazeti